يا مريض القلب مالك عـلاج إلا السمـاح
السماح علاج موصوف لأمـراض القلـوب
والحسد والبغض والله هـي السـم الذحـاح
فتكها في العالم اشـد مـن فتـك الحـروب
لوترى الدنيا غدت نهـب بيديـن الشحـاح
لاتحسف دام الإنسـان لـه رزق محسـوب
الحسايف يوم تصحـى وتلقـى العمـر راح
مابقـى إلا مثـل ريـشٍ تقفّتـه الهبـوب
ماصحيت إلا على الشيب في عارضك لاح
أشرقت شمسه وشمسك على وقت الغـروب
والحسايف يوم ليلك يطـول بـلا صبـاح
لين تنسى كـل امانيـك واحلامـك تـذوب
ثم يوم النور يطلـع علـى الحـزم البـراح
وإن وجهك متجه شـام واحلامـك جنـوب
والحسايف يوم تتعب على غيـر الصـلاح
تبذل المجهود ويضيـع بطـوال الـدروب
وأنت راعي صدق والصدق ماحقق نجـاح
كلما تصدق بحاجـه يفـوز بهـا الكـذوب
___________________________
عبد الله صح لسانك وبيض الله وجهك