لاهنت يابن منشار
البقاء ياصاحبي في زمـان الانفصـام = والعرب ماغير ترقص علـى قانونهـا
مستوي لام الكراعين فكـر الانقسـام = والسياحه في قطر ماسحـه طبلونهـا
شف دبي والا المنامه وناظر جيش سام = واللعب في مصر غنت معـا فرعونهـا
وان تجي لبنان تلقى ورى هيفا مـرام = دوك تاريخ العرب وين هـو هارونهـا
ياوجودي وجد بغداد قبل الفيـن عـام = او وجود ابو عـدي يـوم يحتلونهـا
قمت اهوجس والفتن من حوالينا عظام = والفضائيـات تنشـر لنـا مخزونهـا
قلت يالله تحفظ اديارنا والشـرع شـام = وانصر الاسلام واشدد على صهيونهـا
"""""""""""""""""""""""""""""="""""""""""""""""""""""""""""""""
سنة الله يابن منشار مافيها ملام = والدروب اطوال دوك العرب يمشونها
شوف خطك لاتعداه ياولد الكرام = امش دربك بس حذراك لاتاتونها
السياحه عولمه والجو مليانٍ عسام = وش خصك بالخلايق اذا يبغونها
سج رجلك في دروبك وخل الأنهزام = دام دينك قابضه وتعيش من مخزونها
كان وجدك وجد بغداد قبل الأنحطام = او وجد صدام فيها قبل ياتونها
فاي وجدي وجد من مات له خطوى غلام = ذاق نفعه والمراجل غدا زبونها
وكل مسلم يطلب الله متى ياتي الصرام = والتحررقدسنا وتموت كل اعفونها
والفتن دوارةٍ والناس تبغيها غرام = ويحفظ الله ابلادنا من شرورٍ تحونها