[مروان الشيخ]

اسمحولي بقولكم هذي القصه بالعاميه

في بيتنا بالديره حوش مزروع نخل وليمون وسدر >>>لاتتخيلون انها حديقه يعني حاجه على قد الحال
المهم من ضمن الاشجار المزروعه شجرة سدر تنتج (نبق) مميز جدا بشكله وطعمه
وامي الله يحفظها كانت مهتمه بهالسدره من دون كل الزروع وكان الوالد الله يحفظه دايم يرشها بالمبيدات عشان الحشرات ..عاد في الصيف الماضي جابت غله جيده اكلنا منها وانبسطنا
وبعد ماانتهى صيفها قال ابوي للهندي السواق قصص السدره وشيل الاغصان الزايده منها يعني يبي يشذبها على قول اهل اللغة
هذا الكلام كان وقت العصر
بعد المغرب رجع ابوي للحوش وان الهندي قاص السدره ومهو مبقي منها الا الجذع يعني ولا ريشه ولا غصن
اكثر ما حزن من هالمنظر امي الله يحفظها شوي وتبكي
عاد حنا فرشنا البساط في الحوش قدام السدره كننا مسوين عزا
نظرت في امي وقالت مروان ماتبغا تسوي كسره في سدرتي
قلتلها ابشري
وقلت

وا سدرتي يوم حشوها= ماعاد باقي بها لو عود
سروا عليها وقشوها =هذا جزا من يجيب هنود

ضحكو اخواني وابوي

رد علي رحيمي زوج اختي في حينها

لولا قدرها ما ناشوها*=لكن هذا قضى موعود
يوم ان لها عمر رشوها*=ويوم انتهى كيف تبغا يعود

*ناشوها=لمسوها او مدري والله
*رشوها=يعني بالمبيدات>>>يازين الشرح

المهم ابشركم بدعاء امي رجعت السدره زي ماكانت والاسبوع اللي فات كنت في الديره واكلت من النبق ههههههههههههه

عسى ماغثيتكم