لا ياقصيـده ابدعي جـاك هتّـان = نبض الفؤاد مطـاوعٍ وانتثـر بـك
جالك علـى معنـى ووزنٍ وقيفـان =جالك غـلا وغايتـه يرتسـم بـك
صرتي مدينه للاحاسيـس واوطـان= منها حلاك ولاهطلت زان شربـك
هذا جزيله فيك قصدي علـى شـان= لاسيقت ابيـات القصيـد افتخربـك
حطّيت بك درٍ ولولـو ومرجـان = من شان لاجا لي مجال احتفل بـك
الشّعر حي وزينة الهـرج نيشـان= لازان سيلك من قراك انبهـر بـك
والطّيب خصله لابدت بين الاخوان =من عظمها واجب عليّ اذكره بـك
اغضي حيا ثم ردّي الزّين باحسـان =حسي وفكري مـع سعـادة جنابـك
وايّاك والسبّـه وتجريـح الانسـان =اولايغيضـك مـن يطـارد سرابـك
اصلك عزيز وشاعرك للمـلا بـان =شاعـر بحبّـك وبعذوبـة سحابـك
وان كان مرّك شخص بالشّعر فهمان =اصغي لهرجه واعرفي وش ذكربك
لاتزعلـي لـو مايحبّـك فـلاكـان= مرّك وعلّق واخبر بمـا قصربـك
مهمـا يكـن الطّيبـه لازم تـبـان= وانتي بفكري مااظن شـي يعيبك
احدٍ يقول الشّعر من غيـر عنـوان= واحدٍ يسوق القـول للشّعر حابك
نقرا شعر ونبادل الشّعـر بالحـان = وارجي يجمّلنـي معاهـم شبابـك
اللي لهم بالشّعـر ساحـه وديـوان = اليوم جولك واوقفـوا عنـد بابـك
لاياقصيده افزعـي موقفـك حـان= ارقي سما لاتخذلـي مـن شقابـك