[صنداح الزلامى]

السلام عليكم ورحمة الله وبركاته

هذه اولى مشاركاتي معكم في منتدى فطاحلة واقول ان شالله تنال

استحسانكم واعجابكم ولي معكم عودة ان شالله بقصائد اخرى ولكن وقع

الاختيار على هذه القصيدة واعدكم بالافضل مستقبلآ ان شالله

	الرجل معروف بافعاله وباقــــواله == ما كل منهو لبس له بشت رجالي ياصاحبي خل عنك الهرج وطــواله == قدام اقول الكلام اللي علــى بالي المدح يستاهله من تــــــدرج ادلاله == ريفٍ لربعه وللصــــــعبات حــلالي والمدح يستاهله من يحتم القالـــــه == اللي يضد الخصيم بكل الاحـــوالي والمدح يستاهله من يكسب الطاله == راع المواقــــــف ومدهالٍ للابطالي واللي لياجاه ضيفٍ كرم أسبـــاله == مشهوربالطيب مع ماضين الافـعالي معروف بالطيب من جده ومن خاله == ماهوب طيب الريال وجمع الاموالي ولا الخبل لو قال وميل اعـــــــقاله == باقي على ماعــطاه الله ومـــازالي ويطول وقته وهو باقي على حاله == ولوقـــــال الاول تراه معــــودٍ تالي وانا منزل حـــــــدٍ في غير منزاله == ولا نيب احط الرخــــيص بقيمة الغالي