[صوت الإحساس]

المشاركة الأصلية كتبت بواسطة علي محمد العتيبي

مصافحه جديده ومتواضعه

اقبلوها كما هي

؛؛
؛؛

ايه انا شاعر وشاعر بما حولي يدور = والشعور يجيك لو مانت شاعر ياصبي
الصراحه صدق الاحساس معناه الشعور = بسّ تدري عاد ماكل مرسولٍ نبي
نرجع لمحور حديث التذاكي في سطور = لو تجاهلت الحدث مو دليل اني غبي
يمكن إني لا تغاضيت عن بعض الامور = البس قناع التحدي على خطف الضبي
قاعدة ماكلّ ما يخطف الابصار نور = انتمائي للحقيقه ومبدأ مذهبي
والحدث مادام هو في كواليس محصور = اتركه محصور لين المنابر تخطبي
والتجارب علمتني على مر العصور = ادرس نصوص الروايه قبل لا تكتبي
واعرف اني من عنا الوقت رجالٍ صبور = واختصاصي في علوم المراجل مطلبي
والحياه دروس من ضمنها الدنيا دبور = والتقى والدين مركب نجاه يرحّبي
والله اني ماتبعت النمايم والفجور = واحمدالله ماسلكت الطريق اللولبي
وان دعاني خافقي قلت ياقلب معثور = الهوى والنفس ماهيب من ضمن حطبي
والقرين اللي يساوم على حب الظهور = والله انّه نوب ماباقي الاّ يغلبي
والذنوب تقيّد الرجل ياجسر العبور = ردّها عنّي وهذي حقيقه وش تبي
ادري ان الحق واضح ولا يحتاج شور = بس مايعني كلامي خلاص اني أبي
ايه انا شاعر وشاعر بذنبي والقصور = بس تدري عاد ماني رسول ولا نبي

بصدق إبدااااااااااااااااع



قرأت وقرأت وما ارتويت



مطر من قلبك في كبد السماء

إلى قلوبنا في الأرض

تعظيم سلام يالعتيبي