من الروائع
الا يا طير يمهاجر رفض ذل الزمان وطـار=الا بالله تاخذنـي حيـاة الـذل مـا آبيهـا
تعبت وتاهت افكاري بوقتٍ يقهـر الأحـرار=مدام البوم والحصني تلاعب فـي مفاليهـا
ابي حريتي مثلك أطير ولا خشيـت أخطـار=وامتع ناظري بالأرض واللي عايـشٍ فيهـا
اخذت من الزمن حلوه وسقاني المر والأكدار=وعلمني اكون إنسـان افكـر فـي تواليهـا
عرفت ان الجهل نعمه بوقت يعمي الانظـار=ولا يبغى سوى ظـلٍ تخلـى عـن مباديهـا
ونا مقدر اساير لو اعيش العمر في امـرار=مبادي الجدّ فـي دمّـي بنبضاتـي اغذيهـا
رفيع الراس ما يخضع لغير الواحد القهـار=اعيش بعزتي مهما الزمن حـاول يوطيهـا
فلا يمكن يحقق مايبي عن طيب وإلاّ اجبـار=غسلت ايدي ولا ابي منه في يـوم يحيّيهـا
تركته دونما آسف ولا فكرت باللـي صـار=حياة الحر مـا تسـوى اذا نفسـه يدنيهـا
كثير من الملا يفخر بأنـه حـر كالأطيـار=وهو مسجون سجن الذات داله في غناويهـا
يذل النفس لاجل الجاه فكره دوم في الدولار=يبي ياصل مثل غيره ولـو بالـذل يشريهـا
وينسى انه غدا خادم وصار العبد عن اصرار=يعيش ابلا كرامه لو وصل لأعـلا معاليهـا
ونا اقسمت ما غيّر مبـادي ترثـة الأخيـار=لأني عارف الدنيـا ابرحـل يـوم واخليهـا
كثير من الملا يفخر بأنـه حـر كالأطيـار=وهو مسجون سجن الذات داله في غناويهـا
يذل النفس لاجل الجاه فكره دوم في الدولار=يبي ياصل مثل غيره ولـو بالـذل يشريهـا
اول بيتين من هذهالقصيده الشامخة كثير مااردده بيني وبين نفسي
ومن كثر شيلتي لهالبيتين رسخت بذاكرة ابني عبدالعزيز
طبعآ القصيده كما تعلمون للشاعر الكبير
د .عثمان العبدالله