[صوت الإحساس]

الشكر والتقدير لصاحبة الفكرة





أحببت أن أشارك هنا بقصيدة أعجبتني كثيرا للشاعر المبدع محمد العسكر

برغم أني لم أطلع على الكثير لعمالقة الفطاحلة والقادم أجمل أترككم مع روعة العسكر
.
.
.

	ودي بقيـت بعالـم الحـب ويـاه لاشك ما جاني علـى الكيـف ودي راحت بي سنيني وقفّـت مطايـاه مدري عناد الوقـت والا تحـدي !! ماعاد باقـي غيـر تالـي بقايـاه اللي توصلني من الشوق .. حـدي أهيم لامن المسـاء جـاب طريـاه واسج ّ بفجوج الصحاري وامـدي ذكرى وشبت في خفوقي من اقصاه قامت معه في بعض الاحوال ضدي أثر الغلا فينـي مسـوي سوايـاه والحال عقبه مـن عنـاه امتـردي درب ٍ مشيتـه ماتمنيـت ممشـاه صار الهوى مع جاير الحظ ( ندي ) وين الحبيب اللي له الروح تفـداه طالبـك انـا ياسـود الايـام ردي نزف المشاعر مالها غير شـرواه وعليه بلّت دمعت العين ( خـدي ) صبرت وادري ما تحمّلـت فرقـاه وبيّحت من زود العناء فيه سـدي بين الضلوع القلب صوّت ونـاداه وشلون يقاوم جزر الاشواق مـدي تعبت مـن دنيـا المتاهـات والآه ليت الفرح لحظـات يمـي يلـدي حتى المساري لـو تمنـت تمنـاه ذيك الليالـي مـا عليهـا تعـدي فوق الخيال اللي على البال عشناه ملكـت قلبـه وامتلـك كـل ودي لو كان غيره يمكـن انـا نسينـاه لكن بعض النـاس مالـه مسـدي لولا الامل في دنيتي حـي لـولاه ما كنت اجامل في ظروفي واعـدي عودت نفسي اكتم الجرح وارضـاه ولا زادت جروح الزمن قمت اهدي تبقى الحياه بدون شوفـه معانـاه ويومه معي ماحد ٍ من الكون قـدي سبحان رب ٍ صوّره كيـف سـواه لحد الجنون الزيـن منّـه يـودي متى على الله التقـي فيـه والقـاه وارتاح من طول التعب والتحـدي