يا دمعتي خطي قصيدي وانعيه = هدّي حروفي منك تبكي وتذرف
فرقى المحب جتني خطاويه يا هيه = اليوم افرح يا عذولي وغطرف
القلب مرهف والعواطف بلاويه = والحب كذبه في البداية تشرّف
بالامس كانت دنيتي كلها فيه = يسرح بكيفه للاوامر يصرّف
بالامس عاشق بالقوافي اناجيه = عذب المشاعر ابتكرها وزخرف
عطري خذه سوي الذي به تسويه = لكن طلبتك لا تبذر وتسرف
وبنظرةٍ له اهجر الكل واجيه = واوصف رموشه ما لمسها محرّف
والحين مالي خلق حتى لطاريه = وصارت احبك لعنبوها تقرّف
يا رب قلبي ليتك اليوم تشفيه = علة خفوقه تشبه اللي مخرف
تحياتي للجميع
ماجد المهدي