هذه ابيات اعرفها ولا اعرف شاعرها
الا انني في احد الأيام جأتني رساله جوال من احد الأصدقاء العزيزين علي
وحين فتحت الرساله وجدت هذه الأبيات مرسله من طرفه ؟؟ بمعنى انها منه او يريد بها كلمة اني واني ،، بعد ماقرأتها وعرفت الأبيات رديت عليه بنفس القافيه وذيلتها ببيت شعري للفت انتباهه انها ماتمشي علي حركاته
اترككم مع الأبيات :-
ياصليب الراي قل لي وين نوخت الركايب =بعد مادجت الفيافي والسهال الجرهديه
ماكسبت الا الصخا والطيب واخيار الجلايب = ولا انحنى راسك ذليل ولاتهقويت الرديه
لاوزير ولا سفير ولا مديرولا انت نايب = والله انك حايز عندي على هاذي وذيه
رديت عليه اقول :-
مرحبا ياكلمة مرسولة من اغلى القرايب = جعل يسلم من ندبها ويحفظه رب البريه
فز قلبي من غلاها حيثها من اغلى القرايب = فزة اللي شاف من يغلي بعد فرقى(ن) سنيه
ياخبير وياعميد ومستشار بلا شوايب = وياصغير وياكبير القوم بارض مهمهيه
(السلف مسموح من الامثال لاصارت اطايب = والمصيبه لطشة الشاطر بحسن ظن ونيه)