آه يادنيا الكآبه والتعب
وآه ياجور الليالي والسنين
وآه يادمعٍ على خدي كتب
بين قوسين الألم (دايم حزين)
الجروح تثور بأعصابي غضب
والمشاعر مالها غير الأنين
والهموم اللي على قلبي تصب
تزرع الآهات في صدر الحنين
اروي الآمال من واحة عنب
واجني الأشواك بكفوف اليدين
ماتت ألفرحه على حدّ الهدب
واحتضر باقي شبابي عن يقين
صح لسانك اخي الشاعر
لاهان راسك قصيدة رائعة
ترجمت الالم والمعاناة
سلمت وسلم شعرك
دمت بخير