يابنت ماعاد لك بالحب شخصيه=بس احفظي مابقى بقدر الامكاني
يابنت لو تخلصين بصــافي النيه=النــــيه الصــافـــيه للطـــيب عنواني
من اول الحب لـه قيمه وشرعيه=الحب فطــري يعيش بقلب الانساني
واليوم حـــــب يديره ناس عميه=تجهل ســـلوم الهواء تقــول عمياني
الحب له في سلوم الناس مطويه=واللي تجاهـــل بنـــود الحب غلطاني
الارض فيها سعه وحدود محميه=وارض خــلا مابها من الناس سكاني
بيني وبيــنك كـــلام فــــيه ماريه=ماريـــته ما عــــرفها فـــلان وفلاني
ماتنحكى للبشــر بالقلب حصريه=والســـر ماينحــكى لـــوكــان ماكاني
الكلمه اللــــي تقـــال اليوم مقفيه=والصدق عند الوعد هو خير برهاني
اسرارنا عن جميع الناس مخفيه=الســـــر لاما انفضح راعـــيه ينهاني
بين المحبين مرســـــولٍ وبرقيه=رســـالة الحـــب للعشــــــاق وجداني
لاصار نعشق من البنات حوريه=نصـــبر على قاســـــي الايام ونعاني
ســـوالفه كل مامـــريت عصريه=تــــرد روحي وتســـكن بيـن ضلعاني
لســـانها يمتلك لغــــــات سحريه=لاكلمتنـــــــي اتيــــه تقـــول سكراني
عيونها ســـاحره وشـــفاه ورديه=وليـــاتذكـــرتها انســى كـــل ماجاني
وليا تبــعدت عنهــا اقـــول يابنيه=تكفــين يابنــــت وقتـــي مـــاله اماني
اعيش بالشمس وانتي داخل الفيه=واصالي لحــرها وامــــوت عطشاني
انتي عن اللي يصيب القلب معنيه=في ذمتك كل ماشـــــفته مـن احزاني
انا صــويب الدهــر مــن يد راميه=الرامــي اللي بسهم المــــوت كافاني
لامـــت لاتكـتبين ابيــــات مرثيه=الا افرحي ورددي زينـــات الالحاني
والعزف غربي مع رقصات شرقيه=مانيب انا اول ضحيــه لك ولا الثاني
بعد الفصاحه لغتــك اليـــوم عبريه=لبست ثوب الجهل واصبحت شيطاني
الناس عن صحبــة الخوان منهيه=مايتفق بالهـــــواء صــــادق وخواني
وسلامتكم
ابو خاااااااااااااالد