ياملتهي بغيري من الناس غلطان=ماني لاهل الوجهين سمح وراضي
ماترتوي عينك بك الجوف عطشان=دامك تعيش بوقت لاهي وفاضي
يكفيني ابعادك من القلب حقران=خلاص مايلزم حتى اعتراضي
قلبي فلا اذله ولاظني ينهان=بوقف معك باقي العطا باحتفاضي

ياحبينلك دون كل المخاليق=يالي تساوي كل شي بحياتي
لي شفت زولك ينجلي عني الضيق=وان غبت عن عيني تزيد عبراتي
دايم عيوني من فراقك غواليق=طلعتك ترسم بسمتي في شفاتي
الحب مفتاح القفول المغاليق=حبك دواي وفرحتي ياغناتي

رعش قلبي سحر عينك=وانا ماقدر على الكتمان
ذكرت الله على زينك=يحفظك من حسد الاعيان

ترى عيني رأت حلوين=ومثلك فالبشر نادر
في غاية روعة التكوين=هنيالك لها قادر

إلى مني تخطيتك=ترى قلبي يسمي لك
وإلى مني تعديتك=لولا الخوف انادي لك

من جروح الوقت يكفينا جروح=عظم الله جرح قلبي والسلام
قلت لك بروح لكن وين اروح=والطريق الي بيبعدني حطام
من سرى بالليل ابرق له سروح=بالنهار عيون وبالليل الغمام
جيت وكلي حب مفعم بالوضوح=والفعول اوضح من شروح الكلام