الـقـلـب يـحــزن والـمـدامـع غــزيــرة
فـي جوفـي نـاراٍ مـن لهبهـا تباكيـت
والــدار ظلـمـا كـانـت أمـــي تـنـيـره
يايمـه وينـك مـن دونـك خـلا البـيـت
والــدار ظلـمـا كـانـت أمـــي تـنـيـره
يايمـه وينـك مـن دونـك خـلى البـيـت
قلبـي تفطرعلـى الفـرقـاء المـريـره
أمــنـــت بالله وبــأقـــداره تـرضــيــت
الـمــوت حـــقٍ وكـــل لـــه مـصـيـره
ومـوت النبـي قبلـك يايـمـه تعـزيـت
هــذا جـلالـك وريـحـك فــي عـبـــيـره
كـل يـوم أشـمـه ولاشــفـتـه تــهنـــيـت
صــوتـــك يـايــمــه يـامــحــلا أثــيـــره
وحـنـانــك يــمــه يخـلـيـنـي تـدفـيــت
يـايـمـه مـنــهو أجـي لـه وأسـتـشـيـره
يعدلنـي لاشفـت الصـواب وتنــحـيـت
يوم كنتي عندي و كني أمير ديرة
كــلــن يناديني يقول لي تغـلــيـــت
يوم رحتي يمة كني في جزيرة
وحــيــد فيها عن الناس تـــواريت
أجي دويخ ٍفي وقت الظهيرة
ماأحد سأل عني يقول لي تغديت
وأبيت ليلي وعيوني ســهيرة
كم الليالي نايم ٍ ما تعشيت
ظروفن يمة تواجهني عسيرة
الشكوى لله في ظروفي تعنيت
يـاكـم تـعـلـمت مـــن مـعـانـٍ غـزيــره
يـامـنـهـل التـعـلـيـم مــنــك تـربـيــت
كم قصـة ٍقلتـي وللماضـي نسيـره
ولاجيـت عنـدك بسواليفـك تسليـت
آآآهـــ ٍ يايـــمـــه الــنــظــراتـ ا لأخــيــره
مـلـيـت كـفــي تـــراًب ثـــم حـثيــت
أبــشــري يــمــه بــدعــوات كـثـيــره
كــل مـاذكـرتـك وللـرحـمـن صـلـيـت
الـقـلـب يـحــزن والـمـدامـع غــزيــره
فـي جوفـي نـاراً مـن لهبهـا تباكيـت
لإستماع القصيدة
7
7
http://epda3.net/iv/es2015.ram