[إستبرق]

حبيبتي احساس اقدر لج وقفتج مع صديقتج ..

حبيبتي انا اتصور اخوها ما يدرس ويغار منها وأبوها يبي يعاند أمها ..

فهميها .. أنه اهلها مو القصد منه يشكون بأخلاقها على كثر ما اهو يشوفونها أداة ينتقمون فيها من كل شي حولهم ..


البنت ما سوت شي غلط واستغرب من آب وآخ يرفض تعلم أختـه ؟؟

الحين الدنيا تغيرت والشهادة شي ضروري والبنات صاروا يطلعون يدرسون بالخارج ومحد يتعرض لهم ولا لسمعتهم لانهم متربيات وما يحتاجون لرقابة مدام رقابتهم ذاتيـه ..

ولكن الي استغرب منه ؟؟

ليش الاب شاك بتربيته لبنته ؟؟ وليش يهتم لكلام الناس ؟؟

حبيبتي ..خليها تتمسكـ بهدفها لانها ما تسوي شي غلط وخليها تتحمل كل شي ..

وقوليلها تعلمي شلون تحولين كل محنـة لمنحـة تستفيد منها خل تخلي دراستها تحدي يمكن هالتحدي يعيشها بحياة آجمل ويعوضها عن النقص العاطفي الي تعاني منه ..

واذا الاب كل همه يضرب والاخو بعد .. فا ما منهم رجى ولاسيما ان الاب يضرب عالطالعه والنازله ..


خليها تدعي ربها انه يفرج همها ويعينها ..

وخليها تواجه ابوها واخوها .. وتقولهم انا ما يهموني الناس ما دام رب الناس يشوفني ..


ومن كل قلبي اشكرج على اهتمامج ومسكي بيدهاا ولا تخلينها ..


كل الحب

إستبرق