[الطائر المهاجر]

انا مانيب شاعر في مجاراته لها سواق = انا ابدع ما ابي من قاف ماتدري متاهاته
الا يامرحبا بك يامحمد عد برق راق = مخاييله تحت ديراب تدري باتجاهاته
تغزل ما تبي في اللي تبي مادمت له عشاق = فنا مالي بعشق ينبت احزانه وآهاته
وما شفته بها عنها عمى الناظر مع الإشراق = بليلٍ طال ما ندري متى تظهر نهاياته
اشوف إن الذي تعشق عجوزٍ نبضها الدفاق = يوقف دون تدري به ولا تعلم بآياته
ترى الواقع يقول الوقت اصبح باللظى حراق = مطر ما يسقي العطشى ولا ندري بنياته
عواصيف ورعودٍ تدفن اللي حي بالترياق = مثل ماصار في عشق قديم بانت سواته
بليا عقل يا محمد ترى المركب الى الإغراق = فبحر العشق ما ينفع اذا تجهل مساراته