ياراكـب اللـي بقلهـن قـد تثنـا=فجّ العضود مدمّثـات المحاصيـر
لاهنّ لا قعسـن(ن) ولا هـن دنّـا=متيهات(ن) في ليالـي المخاضيـر
الصبح مـن وادي الرشـا ينشرنـا=من بيت ابو خالد زبون المقاصيـر
يلفن أبـو تركـي زبـون المجنـا=هو شيخنا لاجت ليالـي المعاسيـر
الشيخ مثلك مانـزل "كشـب" عنـا=وادنى عتيبة حايل(ن) دونه النيـر
جانا الصعيري قال صولوا وصلنـا=صلنا نحسب انه على راي تدبيـر
أثر الصعيري فزعتـه مـاج عنـا=واقفن ظعونه عقب ماهن مناحيـر
وجينا على ركب الحريب ونزلنـا=صرنا دواوير(ن) وصاروا دواوير
ياكبر زبـر جموعهـم يـوم جنـا=أرواحنا ترخص وهـي للمقاديـر
بإيماننـا صــورام(ن) يقطعـنـا=سقي القنيدة من حقـوق الشخاتيـر
من عقب هذا لامطيـر(ن) وحنـا=لا صلب جدّ ولابهـم نيـة الخيـر
لكنهـم يـوم انجلـى السـؤ عنـا=هذا طريـح وذاك ذ ّب المعابييـر
لي لابة(ن) تشلع مع السـنّ سنـا=إن كـان بالغـارات ولا الطوابيـر
ناس(ن) الى حلّوا على القحص جنا=في منتهاه ننـزح النمـر والزيـر