اعلمه الرمايه كود يكبر = ولاقي فيه درعي والسناني
وياليتي سالمٍ من علم مااثمر = بعد ما كبر بسهامي رماني
خطيت بفهم وقت صار اغبر= غطى عيوني فلا شفت الحصاني
تشوف الشكل بالمنطوق يسحر= وتاثق به تحسب انه حصاني
ولكن الحصيني لو تصبّر = يختلك لين يطعن في المحاني
فكم لك من صديقٍ فيه تفخر = يغدرك وانت في لحظة وماني
فطعنه من عدوٍ فيك يظفر = ولا طعنة صديق قلّباني
وطعنه من شجاع ولو تجبر = عليك اهون من طعون الجباني
حصاني في زمن طبعه تغيّر= وعلمها تفنن في الطعاني
حصاني بالثياب واسم يبهر= ولكن الفعل فاق الغواني
تنبه يا فتى فالوضع دحدر = وخذ مني النصيحه والمعاني
اذا سرك طلع مهما تحذر= وباله يلحقك قبل الأواني
فهو ملكك بصدرك لو تضجر= وملك الغير لا زل اللساني
ومعروفك ولو بالخير تؤجر = على ذيخٍ حصيلته الهواني
مثل ذيخ عطيته علم وابحر= ولما كبر ببحوره رماني
وترى الرجال مخبر قبل مظهر = فلا يخدعك شكل المودماني