[ماجد الزيد]

( النصائح )
من قصائد الشيخ خالد بن حسن بن بليهد ال علي الخالدي
وكان من فحول الشعر في الشمال رحمه الله تعالى

مَبـداي   بالله   ثـم   تصريـف    الأبيـاترَب   العبَـاد   اللـي   عَطايـاه    جـزلات

مشفي جروح أيوب  من  جيه  هَل  الغارالمطّـلـع       بالبَيـنـة        والخـفـيَـات

ومن بعد الله ذكر الله بديت انظم القافمن  هاجسي  للمستمـع  نظـم   الأبيـات

تعبير  عن  شوفي  بعينـي   والاحسـاسلي  نظـرةٍ   وحـده   وللنـاس   نظـرات

عَن  مَايجول  بخاطري  مـن   هواجيـسبيّنـت   للـي   يفهَـم   القـول    لمحَـات

لمحَات  مَعناهـا  عـن   الشـك   مفـرودتضغي   لْمعناهـا    القلـوب    الفهيَمـات

ابَيات   تذكر   مَاضـي   الوقـت   وَاتْـلاهتحمل  وتشمل  كل  وًصـف   وعَلامـات

فيها   النصايح   وَالنصايـح   لهـا    شَـاننصَايـحٍ    مَاابغـي     عَليهـا     إمجَـازات

الاّمن   اللـي   عـزْ   مُوسـى    وَهـارونوصَخّر  لهم   موج   البحـور   الغزيـزات

اهُديتهـا    لأبـن     العروبـة     والاسـلاموَابن   الجزيرة   خاصـةٍ   لـه   وبَالـذّات

المسلـم    الـلـي    حَـافـظٍ    وَاجبَـاتـهوزَكّا   وصَـام   وحَـج   وَدّي    الصلـوات

الدين   عصمة   امرنـا   بكـل   الاحـوَالوَمن  لاحفظ  دينه  يجـي   فيـه   خـلاّت

المسلمين  اخوان   فـي   مَنهـج   الديـنوَفيه  اختلافٍ  فـيط¸â‚¬بايـع  وعَـادات

لأبن   الجزيرة   غاية   القصـد   وَالقـولحيث ان له  عن  باقي  النـاس  ميـزات

ميزاتنـا    حـب    الشـرف    وَالفضيلـةاشرف   هَدف   وَاقلوبنـا   المستقيمـات

وحفظ  الأمانه   في   اخـلاص   وعقيـدهعقيـدةٍ      مازعزعَتـهـا       الدعَـايَـات

حـب   الإلـه   وحـب   حكـم   الشريعـةوسنة   محمـد   والوفـاء    والمسـاوات

حفـظ  الكتـاب  وحفـظ   سنـة   محمـدتجـلا    الظـلام    وتهـدم     العنصريـات

المؤمن   المخلص   صبورٍ   علـى   البـلاوعزايمه  وان  حـده   الوقـت   صلبـات

غيثٍ   علـى   جـاره   رحـومٍ    إلقرايبـهوعوق  الخصيم  اللي   جموعه   ثقيـلات

إيمـانـه     بقـلـبـه      وبالله      قـوتــهمؤمن وسجل  له  من  المجد  صفحـات

حنـا    عـرب    ولنـا    عوايـد    عديـدهتفـرض    مكانتهـا    بكـل     المـجـالات

التربيـة    منهـا    والأخـلاص     بالعمـلوحفظ النسب من كل مدخل  وشبهـات

ترى  النسب  حمله  ثقيلٍ  علـى  الفتـىوحق النسب  ضمن  الحقوق  العضيمات

هذا  النسب   منـه   الصلـه   والتعـارفومنـه    التعـاون    بالأمـور    المهمـات

يابـن   الجزيـره   لا    تضيـع    اسلومنـااسلـوم    ماضينـا     عليـنـا     تعيـبـات

قدر  نسيبك  واحتـرم  واجـب   النسـبواذخـر   نسيبـك    لليالـي    العسيـرات

أذخـر   نسيبـك    لا    تهينـه    وتطمعَـهوتفرض  عليه  اشروطك   المستحيـلات

خفظ  المهر  حق  وترى  الـزود   بدعـهوبيع   الفتاه   مـن   الأمـور    المعيبـات

يـا    بايـع    بنتـه    ودينـه     وسمعـتـهمَال  النسب  عقب  الدنانيـر   مشهـات

وترى    المذاهـب    والتقاليـد    تختلـفوحنا   عرب   ولنـا   مذاهـب   قويمـات

وحنـا    مذاهبنـا    الفخـر    والشهـامـةمذاهـب    مافـي    عليهـا    اعتراظـات

ابديت   فـي   روح   القصيـده    تجـاربوسميتهـا    نصيحـةٍ     فـي     عـبـارات

رَبَّ  الولد   حتى   الولـد   يصعـد   العـلاويشفيك  الياما   عَّـود   الكيـل   وزنـات

ويسد   فـي   غيبتـك   لاصـرت    غايـبيقري  الضيوف  اللي  اخطاهم  بعيـدات

ترى   حلات   الرجـل   يحفـظ   عوايـدهتبقـى   ثيابـه    كـل    يـوم    جـديـدات

نصيحتـي   تفسيرهـا    فـي    سطورهـاوزودتها   من   حنكـة   القلـب   نبضـات

وخصّصْت   فيها    للجزيـرة    خصايـصخصايص   اللـي   حافضيـن    المـروات

خصّصْت خمس  اخصال  بالرجل  تجتمعمن  لاجمعها  حـي   مـا   نعـي   لامـات

الأولـه   خوفـك   مـن    الله    وراقـبـهعسـاه   يغفـر   لـك   نهـار    الملاقـات

مـا   ينفعـك   مـالٍ    تجيبـه    وتجمعـهولاينفعونـك      اصـدقـا      والقـرابـات

يخرس   لسانـك    والجـوارح    تكلمـتتخْبـرْ   بمـا    سوّيـت    خيـرٍ    وسيّـات

في  موقفٍ  ما  ينفـع   العـذر   صاحبـهوضعـت   موازيـن   العمـل    لحسابـات

تـرى   الأمـل   بعيـد    والـروح    فانيـهظل  يزول  وطلعـت  الغـد   مـا   جـات

والثانيـة     للظيـف     لـيـن     جنـابـكباكر   تروج   اركاب   ناصيـك   عجـلات

وصى النبي  بالظيف  ان  كنـت  مؤمـنخلك   على   الزاير   غصونـك   ضليـلات

شـب    المنـاره    للمسـيـر    وكـرمـهوالبـن    يحمـس    للـدلال     العـذيـات

وقوله  هلا   للظيـف   واجـب   ومقـداريطلـع   لشـرب   البـن   كيـف   ولـذات

والثالثـة    جـارك    تحافـظ     حقـوقـهترى   حقوق   الجـار   للجـار    صعبـات

ادعه  على  الواجب  وعوده  ليا  مـرضمن  دون  جـارك   لا   تكـف   الزيـارات

وغض  النظر  عن  بيت  جارك  وحرمتهالجار   ما   يتبع   علـى   الجـار   غـرات

جارٍ   مثـل   جيـرة    فـرج    والمهـادياللـي    بقصتهـم     تقـول     الـروايـات

والرابعـه    قـدر     خويـك     وحشـمـهترى  الخوي  عند  العرب  لـه   محـلات

عند   العـرب   خـوي   الأجـواد    منهـمبالعسـر    ولا    بالسنـيـن     الرخـيـات

ترى  خوي  الرجل  يرفى  عـن   الخطـاعند  الخوي  تندى   الوجيه   الحشيمـات

والخامسـه   راع   العطـا   حقـه    الثنـاأوف القضا  فوق  العطا  عشـر  مـرات

من  مدلك  بالصاع  زدله  علـى   العطـاودون  المراجل   لاتحسـب   المسافـات

اتعب   علـى   شـان   المكـارم    تنالهـاواصبر  الياصابك  من   الوقـت   نكبـات

الايـام    مـاداوم     رضـاهـا     لغـيـركوشهب  السنين  العاكسـات  المشيبـات

تفتـر     مكرتهـا     وتــدرج      رحـاهـاوكل   علـى   ماكتـب   لـه   بالسجـلات

من   قسمة   المعبـود   ترضـى   عبَـادهالخلق  فـي  تصريـف   رب   السمـوات

أحـد   خلقـه    الله    يعـيـن    ويعتـنـيوَاحد  خلـق  لـه  الله   لـومٍ   وشرهـات

وَهَايبٍ  يكـرم   بهـا   الله   مـن   يشَـاءوَالطيب  وهبـه   مَاحصـل   بالدراسَـات

لـولا   الـردا   ماقـام   للطيـب   سَاسـهولا قيل ذاط¸â‚¬يـبْ وذا فيـه  هزعَـات

مِير  الردا   والطيـب   مَاهيـب   تجتمـعلو   تجتمع   بالبيـت   صـار    اختلافـات

هذا  كـلام   مجَّـرب   العسـر   والرخـاءوعبّر  عن  اللي  جال  بالفكـر  شـارات

وإلا   الخصايـل   مـن    بغاهـا    كثـيـرهواختامها   وصف   الوجيـه    الحسينـات

منهـن     هنـوفٍ     زوجهـا     مايملّـهـابنت  رجال   أهـل   الوفـاء   والجمـالات

امينـةٍ     لاسـرار      أهلـهـا      وزجـهـامليانـةٍ    بالعقـل    والعـقـل    وهـبـات

ومن  النساء  من  تفتخر  فـي   جمالهـالكـن   اليامـا   حـدّك   الوقـت   هيهـات

قسميـن   ينقسمـون   والعلـم    واضـحمنـاهـج     بـيـن     الأوادم     قويـمـات

لـو    نتّبـع    تخصيـص    كـلٍ     بـذاتـهمن  النسـاء   ومـن   رجـال   المعانـات

ماكان   كفّانـا   مـن   القـول   مامضـىولا   تكفّـي   نشـرةٍ   عقـب    نـشـرات

مير  اختصرنا  موجز   القـول   والهـدفهواجـسٍ   فـي   خاطـري    مستكنّـات

هذا  وصلى  الله   علـى   سيـد   الـوراءعد  المزون  اللي  بهـا   الوبـل   زخّـات