اهني باليوم الوطني سيدي الملك عبدالله أل سعود حفظه الله
وسيدي الأمير سلطان أل سعود رعاه الله
والأسره المالكه
والشعب السعودي الكريم
أعاده الله علينا باليمن والبركات
الوطن مهما كتبنا عنه فلن نوفيه حقه
إلنا ثمان إسنين نبغى إنتوظف=ونضرب مشاويرن علينا كليفه
ومانسمع إلا يافلان إمتأسف=والكل منهم قال مامن وظيفه
ياموطني لولا معزتك لاهف=معزتك إمن الرجال الشريفه
حبك إيخلي الشوك زهر إيتقطف=ونجمك فراشاتن علينا كثيفه
معقوله أظما من مزونن تكاشف=وأسقتك وأسقت هالديار الكسيفه
ياموطني ياموطن العز والعف=والخير ولامقدساتن شريفه
إيبين حبي والحقايق إتشرف=وتظهر قلوبن خافياتن نظيفه
يومن بعض الناس راح وتخلف=وباع الوطن والنفس صارت ضعيفه
ماباعك إلا من خيان أو تضعف=ولا الوفي لو المواقف عنيفه
ياموطني حنا جنودك ولك صف=حنا الحليف إللي وقف مع حليفه
مدام قادتنا هل الدين والعرف=نحماك لوالدم ينزف نزيفه
ياموطني مشاعري جات بحرف=حبك سطى بين الضلوع النحيفه
عيد مشعل