يا فاطري ذبـي خرايـم طميّـة=يوم اشمخرت مثل خشم الحصاني
ذبـي طميـة والفيـاض العذيـة=تنحّري بـرزان زيـن المبانـي
آصل أخو نـورة لـزوم ٍ عليّـه=قبل الحبيب وقبل قاصـي ودانـي
والى قضيت اللازم اللـي عليّـه=اللازم اللي مـا قضـاه الهدانـي
وتذكر المشحـون ديـران حيـه=مسوا حبـال اكوارهـا بالمثانـي
الجدي حطيتـه بـورك المطيّـة=وافرق نحرها عن سهيل اليمانـي
نبغـي نـدور طفلـة عسوجيـة=ريحة نسمهـا كالزبـاد العمانـي
تباشروا بي عقب سابـع ضحيـه=وانا عليّ ابـرك ليالـي زمانـي
خبّي وانا راكـان زبـن الونيّـة=ما ياخذ الفضلات كـود الهدانـي
خبّي خبيب الذبيـب بالجرهديـة=لا طالع الزيـلان والليـل دانـي
لومي على الطيّب ولومـه عليّـه=هو ليه ياخذ عشقتي ما احترانـي
ليته صبر عاميـن والا ضحيـة=لما يميّز غربتـي ويـش جانـي
إمـا غـدا راكـان بالمهمهـيـة=والا ظهر يصهل صهيل الحصاني
حريبنـا لا اهـدى علينـا هديـة=عندي مجازاته مثل مـا جزانـي
نسهج محله ليـن يخلـف نويّـه=يصبر كما يصبر جديع الاذانـي
من القطيف الـى النفـود محميّـة=الا ان يمشيهـا خـوي ٍ وعانـي
افعالنـا هـذي علينـا وصـيـة=فرض علينا مثل فرض ارمضاني
لا بد من جمـع يزرفـل كميـه=جموعنـا تاطـا الغبـا والبيـان
في ساعـة كـل يهمـل خويـه=لا شاف ضرب مصقلات السنان
الصدق يظهر من حبالـه رديّـة=والكذب يقطع من حبالـه متانـي