فمان الله ليامنك نويت اتروح في ممشاك= انا عذري من الله لانصحتك وانت متعالي
ابأكذب لو بأقول إني تراني مستعد أنساك= وانا اللي ماتوقع كلمت النسيان تطرالي
أبأحفظ قيمتك في داخلي وارضابها لأرضاك= تروح وذكرياتي معك لامن غبت تبقالي
عسى ربي يجازي من تملك طيبتك واغواك=لعب في راسك ونساك فرق المر بالحالي
نسيت اللي بجنبك لاجلست ايصير لك مركاك=نسيت اللي ليا زادت أحمولك شال الأحمالي
نسيت اللي بوقت الضيق والأزمات هو مخباك= الا كم شال بعد الله همومن صعب تنشالي
نسيت اللي ليامنك طلبته خوته خاواك=قطع لجلك بحور الموت من جالن اليا جالي
نسيت اللي ليا من ضقت من هم الزمن سلاك= عطاك اللي تبي وارخص لعينك واحدن غالي
نسيت اللي بعد رب العباد اتبثله شكواك=وخلا لك بعينه عن جميع الناس منزالي
مصيرك تذكره وتعود له نادم تجر اخطاك=تجيله منكسر من بعد ماروحت متعالي