[الطائر المهاجر]

https://www.youtube.com

الــــــــــشــــــــــايـــــــــــب

الـمـره لا مــن تـعـدّت اربـعـيـنمثل برميلٍ خشل فـي المزرعـه

الصدى ماكلْه من طول السنيـنمـا يفـيـدك لــو تـحـاول ترقـعـه

او كمـا الهونـداي للـي باخصـيـنبالـمـواتـر فـاهـمـيـنٍ مـصـنـعـه

فالمكيـنـه لـــو توضّـبـهـا يـبـيـنولــو تـغـيّـر قـيـرهـا والأذرعـــه

مشكل الدفرنس يفضح بالحنيـنوالبـواجـي مــن قربـهـا تـلـذعـه

ولو تسمكر ما تسمكر كـل حيـنينهـفـش صدامـهـا لـــو تـرفـعـه

الــــــــــحـــــــــــرمـــــــــــه

المـره بالديـن والعـقـل الـرزيـنومن خذاها لغير هذا مـا اضفعـه

والجـمـال ارزاق رب العالـمـيـنلو هي صغيره تشوفه ما ابشعـه

وكل غصنٍ لـو تشـوف إنّـه يليـنيــوم ييـبـس والهبـايـب تجـدعـه

ارع للنعـمـه وحكـيـك لا يـشـيـنقبـل هـرجٍ مـا تفـضّـل تسمـعـه

مـن يبـي عـودٍ حنيـنـه والونـيـنيسمعه من مرّ مـن كثـر اوجعـه

المره مهره على طـول السنيـنمـا تغيـر كاالـذهـب مــا انصـعـه

الــــــــــشــــــــــايـــــــــــب

الرجل مرسدس في شدّه متيـنلو وصـل تسعيـن مـا بـه قربعـه

لـــو تـقـلّـب مـــرةٍ أو مـرتـيـنمـثـل ذيــبٍ فالـتـمـرغ ينـفـعـه

دام سالم من طيـاس الشاربيـنومـن بنـات الليـل واللـي يتبـعـه

يعجبـك لـو كـان عنـده حرمتيـنكـان مالـه مـن كـروشٍ تمنـعـه

وانتي يم جنيب مـن حقـد دفيـنمخطـرٍ مـن مــر لــزمٍ تلسـعـه

محتملك سنين وطبوعـك تشيـنلا نتـي لا رسـن ولا انتـي بردعـه

الــــــــــحـــــــــــرمـــــــــــه

شايبٍ عايـب وتسمـع لـه حنيـنولا بـغـى ينـهـض تـجـوّد باربـعـه

من سمع هرجه وشعره والزفينقال تـوّه فـي شبابـه مـا اسنعـه

خل عنك الهرج كان إنّـك فطيـنواحتـرم نفسـك وخـل الصرقعـه

لـو ابـي غيـرك تراهـم جاهـزيـنمن شباب ضاع وسـط المعمعـه

دام لـي راتـب وعـنـدي ارنبـيـنمـنـوة الـلـي نـيـتـه بالمطـمـعـه

انتقـي مـن هالرجـال العاطلـيـنمـا يخالـف لـو شتمـتـه والفـعـه

الــــــــــشــــــــــايـــــــــــب

احمدي ربك ترى فكـري رصيـنولو بغيت اعرس ترى ما اسرعه

عنـدي فلـوسٍ ولا حمـلّـت ديــناخـطـب الأبـكـار مثـلـك اردعــه

لاتحدينـي تــرى ابلـيـس اللعـيـنكل هرجه عن جهامك ما ابشعـه

انتـي اقفيتـي ونـا سيـفٍ سنـيـنماندثر في الحـرب يامـا اشجعـه

محتسـب للأجـر واركـع ركعتيـنكلـمـا شـفـت الـبـنـيّ مجـمّـعـه

وادعـي الرحـمـن رب العالمـيـنيبعـد الشيطـان عنّـي مـا اتبـعـه

الــــــــــحـــــــــــرمـــــــــــه

والله إنّـك ثعـلـب يــا بالحصـيـنكـلـمـا جـيـتـك بـثــوبٍ تـرقـعـه

خـل نتصالـح ولـك مـنـي يمـيـنمـا تبـي حاصـل وقـدرك ارفعـه

كل ما يرضيك عنـدي عـن يقيـنبــس لا تـطـري تــزوج بجـذعـه

الــــــــــشــــــــــايـــــــــــب

هـذا خبـري فيـك نسـل الطيبيـنلكن الشيطان يغوي مـا اسرعـه

مـن تحـارش رجلـهـا بالكلمتـيـنخاسـره فـي كـل فعـل تصنـعـه

للرجل حشمه ولو بـه مـا يشيـنوالمره من تحتمـل لـو مافضعـه