[الطائر المهاجر]

فوح هيل الدلة اللي يعاملها خــبـير\\\\\فايح الرسلان واللي تفنجل هـــتـــلـري

صـب مـزلـول ٍ تـوهج على جمر العـير \\\\ ريحـها يجـذب مـن البعد خوي ٍ يــحــتري

عابر ٍ حب المهيّل مع دمـه يســير\\\\\ريح كيفه بـدل المـشي عـنده للــجــري

من عبقها دلته ما يبي فيها خشير \\\\\ما درى أن معزبه فيه (( طــنـية شــمــري ))

مجلسه مدهال للي مسير والقصير \\\\\لو تباع ابه الســـوالف خــــطير ٍ يشـتري

خص فيه الصدق ياتيك من عود كبيرٍ\\\\\صـــادق بـما قـال كــنه قـصــيد البـحتري

فوح قلبي فوحها من وهج جرح ٍ خطير\\\\\جــرح عانيته من الـهجر عـيا ينـبري

وعَنّ كييَّف المحبة سباسيب الحرير\\\\\أشقــر ٍ منقـوض كـــنه الـيا فلـه زري

من غلاها تختلج عبرتي وسط الضمير\\\\\في محبة زاهي الحسن والقـد الطـري

اتحمل هجر خلي على شانه غرير \\\\\ لاهي ٍ غريوفْ ملهوفْ أحبه.... غندري

صاحب ٍ لي كل ما قلت عنه لي عشير\\\\\ لا يصارحني بحبه وأنا ماني جري

من عيونه كل ما سلهمت ياتي بشير\\\\\ ومن كلامه كل حرف ٍ أذوقه سكري

في جمال صويحبي من جماله استعير\\\\\واهبه ربي على الحسن فطنة عبقري

كنها وان أقبلت عند مغليها مشير\\\\\من مهابتها الكبيرة وأنا اللي عسكري

لو بكاها مذنب الحب والقاضي ضرير\\\\\ضاعـــت دمـوع الهواوي ولو انـه بـــري

لا يمي وان قالـي حالتي حالة أسير\\\\\ ما درى أن الحب ذلل مهابة قيصري

لا يمي بيموت قولك على جالي حسير\\\\\لو حفرت القاع والا بلغت المشتري

دام حبه لي جدارة وأنا بحبه جدير\\\\\ ما حسبنا حساب للي حسود ومفتري

ويا عشيري لو حكو فيك بالهرج الكثير\\\\\ قلهم عني نيابه تراني عنصري

============================== ====================



قـــــصـــــــيده اخـــــرى اكــــثـر مـن رائـــعـه فــي قــبـيـــــــلـة(( شــمــــــر))





للـــشــــاعــــر الـمـبـــدع\\ فـالـــــح بـــــن دهـمـــه آل عــجــمـــــي......




============================== ==========================






اخــــــــتـــــــكـــــــم \\ حـــــــــلا شـــمـــــر..........