السلام عليكم ورحمة الله وبركاته..
يالله عساها واهلها بالجنه
يا هاجسي خل الوتر له دنه=عزفه على أبياتي يطيِّب ذاتي
يِطرب عزيزن المقام ابرنه=اللي طربهم لي سعد باوقاتي
منهم عريبة جد شرع وسنه=من صلب وايل واخت من خياتي
اللي على حسن الخلق تفتنه=الله .. يحرسها من الشماتي
تعريفها الخنساء مهوب آضنه=عند الفطاحل تسلك الطيباتي
مجهودها مشكور مابه منه=في كل قسمٍ ترفض الاسكاتي
الرد منها ناضجٍ يوم انه=بالعدل يرضي بدايم الحزاتي
يالله عساها واهلها بالجنه=اختي ولها بالقلب قدرٍ عاتي
وما اقول قاصر بالبقيه كنه=الكل منهم عالي الراياتي
عبدالله الشويمان-الرعد