[بدر بن راشد العبدلي]

الله يوسع صدوركم قولو امين


جزاك الله خير على فتح هالموضوع اللي يوسع الصدر

انا بقولكم سالفه كنت موجود فيها انا

كانت انا في ديوانيت شياب في احدى ديوانيات حفر الباطن في المملكه العربيه السعوديه وكانت طرقي في هاك الوقت ولاكنت اعرف لكاعت الشيبان اللي في هالديره

المهم في واحد من العواده وصل متأخر بعد صلاة الظهر وقام واحد من العواده الملكعين يحي فيه ويرحب وقال بعده هالترحيب السنع ( لاوالله إلا بديت توخر يابوفلان .. أكيد من كبر السن وشكلك تبي تقرش عن قريب ) (( كانه هو ماهو من سنته هههههههه )

قاله العود (( اهب ياوجهك ))

ضحك العود وقال له (( لاوالله إلا وصل الديان يابوفلان ))

تبي اقول يبوفلان شي يفيدك بعلمك كلام إذا وصلك منكر ونكير في القبر تقولهم هالكلام

( ( العود تروع وقال يالله حسن الخاتمه .. بس انا اعرف وش ارد عليهم ))

قال العود الملكع (( انا بنشدك وانت جاوب ))

قال العود (( طيب ))

قال الملكع (( وش اسمك ))
قال العود (( فلان بن فلان ))
قال الملكع (( منو ربك ))
قال العود (( الله ))
قال الملكع (( وشهو دينك ))
قال العود (( الإسلام ))
قال الملكع (( من نبيك))
قال العود (( محمد )) << من كثر ماهو واثق العود ماقال صلى الله عليه وسلم


عاد هني بدت لكاعت الشايب وسأله سؤال يضحك عليه العواده والموجودين وقاله بسرعه

قال الملكع (( وش اسم أمك ))
قال العود (( منيره ))

هني العود ضحك وضحكو العواده وحذفه بالعصايه


------------------------------------------


إن شاء الله ماطولت عليكم بالسالفه