الناس ياناس من همها =ماشية تكلم نفسها
القلب دا مش قلبها=الظلم جار
وكل يوم بيمر ياولداه=يزيد الحصار
اهو كل شئ راح مننا =فى طلعة نهار
ياخوانا ضيق خلقنا=اكل الصغار
وعشان نجيب قال رزقنا=ننزل بحار
نطلع نلاقى فى وشنا=جيش التتار
حبسوا العروق فى دمنا =حكموا الحصار
فكوا الحصار =فكوا الحصار
والارض مهما نقولها=نبكى نوشوش رملها
اليأس خانق حلمها=والهم ساكن قلبها
عايشة الحياة من غير امل=عاشقة البوار
فكوا الحصار =فكوا الحصار
الجوع يطيح زى الطاعون=وحالتنا توصل للجنون
وجيوبنا من غير بنطلون=زاد القرف وما فيش ليمون
وتقولوا سدوا لنا الديون=بقى دا ياناس وقت الهزار
شيلوا القيود =فكوا الحصار
يضحكوا السادة الكبار=يتكلموا قال بالشعار
كل شئ محسوب ياناس=والخلق باعت المداس
وعن قريب =هندور بجاز
ياامه تاهت فى الدروب= من الف عام
عايش الحياة من غير قوت=تنضرب وتقول كمان
لو فى يوم تعرف حقوقك=لو فى لحظة تنسى خوفك
اعرف طريقك سكتك=مش اى حد يسكتك
ولو طريقك كله شوك =او حتى نار
بكرة اكيد =يطلع نهار
وبأيدى ديه=ويا ايديكم
كلنا نفك الحصار =كلنا نفك الحصار