يا أدعج العينين يا عذب المحيا والكلام = يا مصمم شكل حبك في حياتي كلّها
ريشتك ترسم معان الحب فيني والغرام = لوحةٍ منهو يناظر حسنها ما ملها
لونها لون السماء اللي مكتسي فيها الغمام = روضةٍ غطى ثراها وردها مع فلّها
زيدني في هواك العذب يا عشقي هيام = خل نفسي تهنا في هواها خلّها
عينك اللي هدبها لا لبست اللثام = تلهي الفارس اللي ظربته سلها
وقلبي اللي كما طفلٍ فوسط الزحام = تعرق إيديه في مخاويه ما حلّها
وإن غدى عنه لحظة قام يصرخ وهام = والدموع الغزيرة من عيونه هلّها
يا حياتي حياتي دون شوفك عدام = ويش يسوى الجسد والروح محتلّها ؟ !