رد على: هل ينقص قدر الرجل هذا العمل؟؟؟؟
أبو مياس وش أرد عليك وش أخلي مشاء الله ماسك لنا على الوحدة بس شوف أنا بقولك إذا البيت فيه خدامة مو لازم تساعد في البيت مع إني ضد هالشي لأنو حتى الخدامة إذا شافت أهل البيت متعاونين معها ترغب عندهم أكثر وتحبهم وتحترمهم أما إنك تقوم بعمل المرأة دايم ماهو هذا كلامنا إحنا نقول تساعد من باب تقريب القلوب وتعويد الأولاد إنو مافيه أحد على راسه ريشة وإن الدنيا ماهي دايمة لنا على حال وحدة هذاكم شفتوا الأسهم وش سوت بالعالم والله أعلم وش مخبي لنا القدر ومسألة إن الأعمال الآن أسهل من أول أنا أعرضك في هذا الكلام أوكي ألأحين فيه غاز وفيه ماء في الحنفيات وثلاجات وووو00000000000لكن كل هذه الأمور اللي تشوفها سهلة جابت معها زيادة أعمال من تنظيف هذه الأجهزة بشكل يومي وأقل شي إسبوعي وزيادة في نوعيات المأكولات والطبيخ والبيت زمان بالله عليك كم مساحته ؟؟ والآن الشقة تلاقيها مساحتها نفس مساحة قصر عند أهلنا أول وزيادة أهلنا كانوا كلهم يشتغلون بالبيت من طبخ ونفخ وغيره أذكر زمان إذا صلينا الفجر جدتي تخبز وجدي يشب على القهوة والحليب في غرفة المشب على الحطب ثم نجتمع سوى وجدي هو اللي يتولى صب القهوة والحليب أول المتطورين في بيتهم بلاط ولا الباقي بيوتهم كلها رمل وجدرانهم طين وتبن تخمه بمكنسة خوص وزيادة ماعندهم هالخرابيط اللي عيالنا يستعملونها الآن من حلويات ومشروبات وووو00000000اللي تحوس الدنيا وكل شوي الطفل يحتاج تغسيل وتغيير والمكان يبي كنس والجدران تبي تمسيح ووووو0000000000الخ يعني صحيح عندنا أشياء سهلة في الإستخدام لكنها زادة علينا أعباء العمل في التنظيف حتى الملابس أنت بس إرجع ورى وشوف كم مرة تغير ملابسك في اليوم وممكن أقولك كل ثلاثة أيام وهو نفس الثوب ينامون فيه ويقومون فيه ومتى ماتوسخ غيروه وشوف كمية الملابس عند واحد من أطفالك تلاقيها أكثر من ثيابك أنت وأخوانك كلهم زمان أول