[متعب المتعب]

إهـداء .. خاص .. جدا

لاودعك منهو تحبه على خير=ما عاد في قلب السوالف .. سوالف
ياللي نويت انك على البعد .. بتسير=جيش الهوى في ذمتي .. لك تحالف
تدري بإنك غير .. ياغايتي غير=وتدري غيابك موت .. منهو موالف
ياصاحبي بعدك .. مثل دلو .. في بير=طاح وغرق .. وامسى حزينن .. وتالف
لك في حنايا من يحبك .. معاذير=يومن نويتي بالسفر .. مايخالف
ياغاليه ... دامك نويتي على السير=حالف برب الكون .. مانساك حالف
لو ماتكلمتي ... عيونك تفاسير= والتمتمه .. شاهد على احساس سالف
للدمعه اللي في عيوني .. تعابير= طاحت على كف الموادع ... تآلف
ولامن رجعتي ياحياتي على خير=تلقين قلبن ما غدربك ... و آلف
ولا سافر اللي من تحبه على خير=صار السكوت ارحم من ايّـة سوالف

7
7
7