عندما تضحك بصوت مرتفع كي تخفي صوت بكائك عنه وكبت مابداخلك من الضعف
المتولد بسببه من خيانه ونكران المعروف حينها
تبتسم في وجهه وتتمنى أن (( تبصق )) عليه وتمضي ,,,,,,,,!!
\
\
ياحزن . . كن الله خلقنا مواليف=لاغاب واحدنا . . لفا الضيق خلّـه
\
\
العيش والملح ,, فعلا هما نبراس العشره الحقيقيه إن وجدنا الوفاء !!
\
\
شفني .. على كثر ما فيني .. من الحسره=اخفيت عنهم .. حزن .. مستوطن .. بذاتي
ودي أكون بنظرهم .. شخص .. يا كبره=لا يمكن اصغر .. بمن يصطاد .. زلاتي
والله .. لو انك .. نظرت .. بداخلي .. تكره=انك تعيش بحياتك .. ساعه .. اسواتي
يا زارع الطيب .. لو ما جادت البذره=يكفي زرعنا .. ولانبحث .. عن الآتي
لو انطبق .. رمش عيني .. طاحت العبره=رغم اني اضحك .. واصارع حر .. مأساتي
يا سادتي .. من قسم .. خبزه .. وله .. كسره=ما ظني الجوع .. يشفـع .. لا نكساراتي
يرميهم الوقت .. ويطيحون .. بالحفره=سيور الايام .. تكشف .. كل مافاتي
يا مثقل الحزن .. في قلبي .. ومحتكره=قلطته الصدر .. واسرف .. في حكاياتي
وقت الرخاء شفتهم من كثرهم عشره=كلن يبي يبتسم من زَين ضحكاتـي
ووقت البلا مالقيت اللي عطى النظره=الله وكيلك ماحـد خفَّـف معاناتـي!
آمنت .. بان الشجاعه .. تغلب الكثره=يومن .. ملت عينهم .. من عين .. رغباتي
لا بد .. بعد العسر .. يا صاحبي .. يسره=اصبر عسى تنفرج .. وتعود .. فرحاتي
ياما عطيته .. ولاني .. مرتجي .. شكره=يومن .. نجومه .. تبعثر .. في سماواتي
والله .. بعيني ولا يسوى .. ولا شعره=اصغر من اني .. أفكر فيه .. وآحاتي
العيش والملح .. هن .. نبراس .. للعشره=ومن قدم السبت .. يحصد ورد .. بالآتي
طعم الغبينه .. سواة الموت .. له سكره=حي(ن) مع الناس .. لكن ... ضمن الامواتي
ياليل .. تحسدني الضحكه ... ومن كثره!=والا انت تدري الفرح .. ما عانق اشفاتي
ما كل ضحكه .. تكون النفس .. مستـرّه=لا والذي .. أنزل القرآن .. بآياتي
كنت ارسم الحلم .. ثم امحيه .. من بكره=وارجع واعيده .. ولا تصدق .. رسوماتي
شبـيـت الايام .. أرجي .. طلعة القمره=ما فاد .. قدح الليالي.. عتم .. لوعاتي
ما كل لحيه .. انبـتـت .. ياصاح .. في البشره=بعض اللحى .. نبتها .. زينه وموضاتي!
مدري تذاكيت .. والا .. خانت القدره=والا افرز الوقت .. ياخلي .. حماقاتي!!
ما عاد به صاحبن .. نشفق .. على ذكره=إلا حبيبن .. ذخرته .. وقت حاجاتي
وين انت .. طال الغياب .. وحالتي عسره=تعال .. لملم شتاتي .. واحضن آهاتي
من بعدك الوقت .. صبحه .. ملّ .. من عصره=حتى غرور الورق .. ما حنّ .. لابياتي
القلب بعدك .. كسيرن .. وانت له جبره=اجبر .. عزى خاطرن .. ناداك .. بسكاتي
من بعدك .. الصبر .. مل الصبر .. من صبره=تاهت خطايه .. وريح الهم .. بي عاتي
مصايب الناس .. لامرت .. خذ العبره=يمكن تخفف .. على ماقيل .. وناتي
يجوز خيره .. ولو يا خافقي .. تكره=لابد .. يومن .. يلملم .. باقي اشتاتي
لو خان وقته .. وجا مشتاق .. وش عذره؟=اقبح .. من الذنب .. عذرن .. لا عتباراتي
والحين .. والله .. تخنق .. نفسي العبره=ذاتي كشف .. كل حسره .. في وسط .. ذاتي
7
7
صفحتــي : حبي لكِ .........
م ت ع ب ,,
\
\
\