[متعب المتعب]

لأثيـــر ,, مع الشفـقــــــه !!

\
\
\

اقبلت طفله .. تعثر بالمسير=يا إسم ربي عليها .. والنبي
قلت شــ سمك جاوبت إسمي : أثير=بنت نايف .. قلت : قولي واطلبي
كيف حالك ؟ ياعساك بألف خير ؟=جاوبتني : طيبّه .. عمووو شتبي ؟
كان ليل وبرد .. والعالم تسير=في ظلامه .. حالكن ماله وبي
قلت : وش عندك لوحدك يا أثير؟=قالت اتساعدني لو قلت اشأبي
قلت انا لك سيف .. ياعمري شطير=من عيوني .. آمريني واطلبي
أسأل امي .. وامي تسكت .. مايصير=كل ما اسألها تقول : انتي العبي
وش سألتي ؟ يمكن ان قولك عسير=والا يمكن .. مافهمتيها .. اشتبي
قلت لامي : وين هو ضي النظير؟=جاوبتني : مات .. لاتستغربي
يمه يرجع بعد ساعه أو كثير ؟=اسكتي .. والله يكفي اتعذبي
هذي امي .. كل ما اسألها .. تحير=ما لمحت ابوي من قمت آحبي
عمووو .. معنى (مات) .. لعبه ماتطير؟=عمووو .. خلصني ودوّر لي (أبي)
من ذهولي قمت .. ضميت الصغير=ودون مدري طحت .. واثنيت اركبي
وطاحت الدمعه على خد الغرير=وهي بكت .. ما تدري وش هو حل بي ؟
الذكي .. منهو يطيع الله .. مير :=منهو اعرض عن كرم ربي .. غبي

*
*
متعــــــــــــــــــب ......
\
\