[ابومياس]

رجاءً لا احد يقول صاروخ لاني ضد الصواريخ

المهم نجيكم بالسالفة

كنت مسافر من الرياض للشرقية عن طريق مطار الملك خالد

ركبنا بالطائرة اعلن الكبتن اقلاع الرحلة

وحنا بالجو الا الطيارة كنها بتطفي 0

سالت المضيف ايش فيها الطائرة قال فيها خلل

قلت اسال الكبتن وش فيها وعطني خبر

قال ابشر راح وسال ورجع لي وقال الكبتن بيعلن الآن السبب

شوي يوم اعلن الكبتن قال يمكن تلاحظون الطيارة بتقطع

وتنتع بالجو فيها خلل 0 وما احنا عارفين ايش فيها 0

قلت للمضيف ابي اقابل الكبتن راح استاذن لي من الكبتن وقابلته

قلت الخلل اللي بالطيارة بسيط وانا استطيع اصلاحه 0 قال لي يابعدي تكفى

افزع لنا 0 قلت افا ابشر بسعدك 0 بس لازم ننزل على الارض 0 قال الكباتن المطار بعيد عنا

قلت ولايهمك مالنا شغل بالمطار 0 انزل على الطريق السريع بس خل نزولك عند محطة ساسكو

قال ليش قلت انا اقول لك 0 لاني احتاج قطع غيار 0

قال خلاص اعلن ربط احزمة الامان اسعدادا للهبوط على طريق الدمام السريع

نزل بنا وكان الطريق بذيك اللحظة من حسن الحظ فاضي

قلت له اطلع من السريع واصفط عند المحطة وقف عند المحطة وقال بالمرة نعبي بنزين

رحت انا للبنشري وسالته عندك بليتين قال ابو يمن عندي بليتين تايوتا ونيسان

قلت ابي غيره قال فيه باقي حبة وحده بليتين مستوبيشي قلت هذا هو هاته الله لايهينك

قلت للكابتن افتح كبوت الطيارة فتح الكبوت ولقيت البليتين الاول محترق

ركبت الجديد طبعا حق مستوبيشي بس افضل من حق الطيارة 0

بعد ماركبته ووزنته قلت للكابتن شغل 0 شغل الطيارة قلت هاه الان كيفها

قال افضل من يوم هي جديده 0 والله ويدق بوري للركاب لانهم نزلوا للمحطة اللي يغسل واللي يشرب شاي

تجمع الركاب وركبنا 0 ودخلنا للطريق السريع وداس الكابتن بس الطيارة ماقدرت تطير

قلت له مو مشكله ادعس بنا مع السريع افضل من الجو قال والله فكرة 0

قال ليش ماطارة قلت لان البليتين اللي ركبنا مو حق طيارة حق سيارة على شان كذا ماتطير 0

بس واجهتنا مشكلة جنحان الطيارة تعرفون السيارات قلت للكابتن وقف 0 وقف الكابتن واخذت مفكات وفكيت حنحان الطيارة ودخلناهم مع العفش قلت اذا وصلنا للدمام نركبهم 0 واصبحت الطيارة مثل السيارة 0

وكل الجرائد كتبت عن الموضوع عن عبقريتي في حل مشكلة كبيرة 0

والسفرة ذيك من افضل السفرات 0 حتى الخطوط قالوا ماراح نركب حنحان الطيارة ذيك

نخليها طيارة بس مع الارض 0 للي يخافون من السماء 0 وهي موجودة الان بمحطة الباصات بالبطحاء0

وبس 0

هذا الكلام الصحيح مو مثل صواريخكم وبالذات صواريخ ابو عبدالله 0

الصدق ولاغير الصدق