للصيف حضوته وجماله ولليله جمال وسحر خاص كثير ما تغنى به الشعراء وخاصة ليل الصحراء ويعبر عنه هنا (بصبا نجد) لأنه يثير العواطف ويهيج الخواطر ويستدر الصور والخيالات .ولكثبان النفود في ليلة مقمره سحر خاص.
.....هي حديث ليل ، وحي خيال. دونتها بما فيها وكما تسلسلت .لم تخضع للمراجعة والتنقيح ــوهذا عيب في ملازم لم استطع الإنفكاك منه ــ أضعها بين أيدكم وأخضعها لذائقتكم. بكل ما تحمله من عور ونقص.وقد جرأني حسن تقبلكم
وكريم طباعكم
فلكم الشكر مقدما ومنكم العذر أيضا
يانسيم الصبافي ليل صيف(ن) قصير=فوق طعس النفود وشاهد(ن) به قمر
واختلط في ضميري ذا القمر وش يصير=مدري اللي قبالي او هو اللي ظهر
نور قلبي واعرفه بس نور الأثير=شع يملا فضايه والفضا والقفر
ما دريت ان خلي في جماله خطير=شعره الليل والغره تحدّى البدر
لين شعّت طعاميس النفود المثير=وامتلا خشمي بريح الندا والمطر
واستوت صورتين بناظري والضمير=طعس ثابت وطعس اهتز تحت الخصر
يوم هزّه تحدِّي هز قلبي الغرير=رحت ابمسك أديم الأرض واخشى الخطر
واثر مابه زلازل بس انا اللي أسير=شوفه اللي أسرني والشعور الأثر
يا سفير الجمال ان كان لك قصدن خطير=قاصدن ذبحي واظنك عارف(ن)بالمستتر
يكفي اتهز الردوف وتنثرالشعر الحرير=لو تزوده ابتسام وغمز زاد بي القهر
وانت بك صطوه وانا اللي بك متيم يا أمير=اعشقك مخطي ومقدي راضي بحكم القدر