الحب والشوق والرغبه وطول الليل=وهواجسي والوله معول يهدّمني
أسامر النجم في كبد السما وسهيل=خطر(ن)يميّل علي باذني يوشوشني
يقول وش هالسهر وش هالعنا والويل=ارقد ملا الجفن قل النوم لك يفني
يظهر جوابي مع التنهيد دمعي سيل=آهات صدري لظى بالنار تحرقني
واحسد نجوم السما في رفعها بالحيل=تشرف على دار من بعده معذبني
يانجم بالله عليك تركب الدربيل=ركز على دارهم يانجم جاوبني
وانقل تفاصيل ماترقب بلا تمثيل=لو كان رمشة عيونه.. حيل تسعدني
وانقل مراسيل قلبي واحتمل للشيل=لوهي حمول(ن) ثقيله لاتحاسبني
الهم كبر الجبل والشوق لو هو كيل=كل الموازين ماتقدر تساعدني
يالايمي في هواها غرك التطبيل=تسمع هروج الحسود وتنقض وتبني
ليتك تفتّح عيونك تبعد المنديل=تبصر حقايق ولا تظلم ولا تجني
و ليتك تناضربعيني في ضيا القنديل=لاالشمس تلحق ضياه ولاالقمر يدني