[كريمة محمد]

ودعتك الله حبيبٍ كان في الماضـي
اغلا المخاليق في دنياي من طيبـه
غيّرك وقتك غديت الخصم والقاضي
تحكم بهجري بفعل الكـذب والغيبـه
ما نيب بالحكم لا قانـع ولا راضـي
بالظلم ما ارضى ولا لي في مشاريبه
وش ذنب قلبي يعاني القهر واللاضي
وش مكسبك تحرق القلب بلواهيبـه
الحب ماهو "أحبّك" بـسّ بالفاضـي
كلمه وتشطب لبعض الشك والريبـه
الحب حسٍّ غريـبٍ كلمـا هاضـي
يجعلك تايه بهـذا الكـون تغريبـه
حتى تلاقي حبيبٍ يشفـي الناضـي
في شوفته في كلامه فـي اعاجيبـه
وش فايده حب والمحبوب باعراضي
ما حسّ قلبـك ولا قـام بمواجيبـه
مادام قلبك قوى الهجران وابغاضـي
قلبي رفض يكرهك لو زدت تعذيبـه
علمتني الحب لو تسمـح بإقراضـي
بعض المهارات في كرهك واساليبـه

رااااااااااااائعة وربى هذه القصيدة طائرنا المهاجر
الله يعطيك العافية
وارجو ان تتقبل مرورى
تحياتى لك