[متعب المينيح]

المشاركة الأصلية كتبت بواسطة عبد الرحمن بشير الصباح

طبيت انا بالسوق سهم المواشي =وقلنا بها نبغى نزيد ا لمعاشي
مير البلاصارت علينا خشا شي =هذا الصحيح وزبدة الهرج باحساب
المشكله زودت في سهم بيشه =قلنا نحصل من ور اها معيشه
مير البلا طاحت علينا العر يشه=الله كريمن من تر جا ه ماخاب
وروحت ادور مربحي بالزرا عي=مير البلا طيح عليه شراعي
والحبل صار اليوم فيه ا نقطاعي=ياقرصة العقرب بعدقرصة الداب
وثمار عيا لا يجينا ثمر ها =ومضاربه عشرين نسبه قهرها
ياراس مالي مانبي من زهرها=والرزق بيد مسببن كل الاسباب
وسابك شرينا يوم قالوا عوايد =مير البلا ما شفت فيها فوايد
واصبحت انا مصيود ماني بصايد=رمية سهم مير السهم راح ماصاب
ودخلت انا بالكهربا والمصافي=وقالوا ترى يابومحمد عوافي
وفيها ترى امرن عن الناس خافي=هاذي مقاديرن على صفحة اكتاب
قالولي روح يم صبات الاسمنت =يجيك ربحك ياولد وين ماكنت
قلنا تبوك اقرب لنا لوتمكنت =مير البلا صارت لنا شؤم واغراب
ضيعت فيها كل ماكان عندي=والفين حقت سايقي نور هندي
مسكين يبغى يغتني هالافندي=ايامها مايدخل السوق الاجناب
قلنا ترى يانور خذها هديه = ا خاف تزعل يالهنيدي عليه
ربي يعوض من عطى للعطيه =العام حنا احباب واليوم احباب
مليون راحت مابقت غير ميه=وماخاب منهو يرتجي من وليه
يالله لاتكتب عليه خطيه =واغفرذنوب اللي من الذنب تواب

والله مدري وش اقتبس وش اخلي




لاهنت ولاهان راسك




صح السانك لين ترضى