السلام عليكم ورحمة الله






اركد ..وصبرك ..وانتظر عندي ظروف
________________اعذار مـن عنـدك تعكـر مزاجـي


الى متى دونك مقاديـر وصـدوف؟؟
________________صابـر 3 سنـيـن دون انفـراجـي


الى متى حبي وحبـك علـى خـوف
________________الى متى باسهر عشانك و اناجـي؟!!


كني ضريـرٍ فاقـدٍ نعمـة الشـوف
________________مافـاد فيـه الطـب بايـة علاجـي


ولا ضعيـفٍ مافعـل فيـه معـروف
________________اقرب قريـبٍ لـه سقـاه الهماجـي


اشكي وانا صـادق محبتـك يانـوف
________________زاد الولـه فالقلـب والهـم لاجــي


الهم مثـل الذيـب ويحوفنـي حـوف
________________مامنـه فكـه لـو بغيـت الخراجـي


الا بوصلٍ بيـن الاحبـاب مكشـوف
________________على النقـا للنـاس فيـه انتهاجـي


ياحبي اللي ساكـنٍ باوسـط الجـوف
________________يامنـوتـي ياغايـتـي واحتيـاجـي



في عينة دمي لقوا لاسمـك حـروف
________________وفي كل جسمي صار لاسمك رواجـي


ردي طلبتك واكسبـي فـي معـروف
________________يكفي ثلاث سنيـن جـوي عجاجـي