[كريمة محمد]

يقولون البلاوي لا نصت مؤمن فهو تكفيـر
واقول ان البـلاوي مـن عقوبـات إلهيّـه
فربّ البيت ما يهمل ولو يمهل بـلا تأخيـر
ينبه من ظلم بامراض تستعصـي المداويّـه
ويمكن ياخذ احبابٍ لهم فـي دنيتـه تأثيـر
يحس النار في قلبه ولا شـن يطفـي الكيـه
وفي اخراه يتحاسـب فـلا جـاهٍ ولا تقديـر
يغيّر حكم رب الكون فـي مـن اتبـع غيّـه
تنبه صاحبي ماجاك غير انـذار او تحذيـر
تجاوزت الحدود بظلم قلـبٍ صـادق النيّـه
طوال العمر مخلص لك ولا منّه حدث تقصير
فليش اللؤم في حقه تجازي الطيـب بالسيّـه
نسيت اش كنت من قبله تبي توضيح بالتذكير
فراجع بعض تاريخك ترى مفهوم وش طيّـه
عطيتك ظل من وهج الجحيم وماضي التحقير
وشلتك فوق اهداب العيـون وقلـت محميـه
ولما انجبر عظمك نسيت الكسـر والتجبيـر
لدغت اللي جبر عظمك بسـمٍ تنفثـه حيّـه
تحسبنه على زعمك يبي يخضع مع التخديـر
ولكن سمك الواهي تلاشـى وانحسـر فيّـه
الا يا جاهل الشيهان قدّر واحسـن التفكيـر
حرار الطير ما ترضى تعيش بنصف حريـه

راااااااااااائع ما ابدعت اخى طائرنا المهاجر
رائعة وربى من رأس جزل
تسلم لنا اناملك يالغالى
ودمت ولا هنت
اختك فى الله
كريمة