نفس اخو فيصل نهبها الي نهبها = في سبيل الحريه كملي مشاوف
لعن ابو دنياء اتعبتني من تعبها =ذي توطيني وانا للعزا الف
قيمت الفضه يحددها طلبها=والذهب وزنه متى هو في المصارف
والبنادق عند لي يعرف سلبها =والجنبي فعلها وقت الهتايف
والرجوله من يبا يعرف جربها =قيمت الراجل تحددها المواقف
والرجال انواع لاقد حد ندبها=مثل ترتيب المناصب والوضايف
ان قصت الجيد في حاجه وهبها=وان قصت الفسل قال الفسل اسف
البلا هذاك لي لا جا نغبها =لا جمعت الشوار جا شوره مخالف
كل ما حد صلح اشده قلبها =للخبر من تيس قال التيس عاطف
ون ذبح كبره فبا يمدح ذنبها=ويوزع من صورها في المتاحف
والدلي لاجاته الجوده رهبها =والعسر يضرب لها ضرب الرهايف
والقبيله لي تماكر في صحبها=تحمل الذله وتفسل في الطوارف
واصبحت عبره لمن يبغا نسبها=واتسبب ضعف الكفائه والتكاتف
والفرس يعرف ثمنها من ركبها=والشرف والحسن قيمه للمكالف
يعلي الحرمه وينسلها ادبها=لابراقعهن ولاحسن الشراشف
بعضهن يا سعد عينه من خطبها=سعد عينه من توفق بالشرايف
ان زعلها فهي تخفي غضبها =وان حدثها فمنطقها عواطف
دون لي يستب ابوها من سببها=لعن ابو لي ما يهمين الكشايف
لا تدور لي قد الباري نكبها=في حياتك با تسبب لك مخاوف
والصقور الجارحه لحد غصبها =ما تذوق لحم الضفادع والسلاحف