[عبدالرحمن الصباح]

المشاركة الأصلية كتبت بواسطة الطائر المهاجر

عزاه يا قلب من الشوق محروم = لو هو تناسى ذكرنّه جروحه
ينوح تال الليل والصوت مكتوم = يخاف يوقظ من حواليه نوحه
ويصحى مع اهله خايفٍ لو بعض لوم= الوجه شاحب والنواظر فضوحه
لا قيل وش بك قال لازلت محموم= يخشى من العذال تدري نضوحه
مرت ثلاث سنين بالهم محكوم = عوده ذوى والحزن حطم طموحه
يذكر حبيب راح في ظرف محتوم= ولا هوب داري وين نجم يلوحه
مسطاه في قلبه على الدوم موسوم= ما ينمحي مادام تسقيه روحه
ماكان يدري الحب كالحظ مقسوم = احد ضحك له وآخر زاد نوحه
ويا داخلٍ بحر الهوى تجهل العوم = خله لغطاسٍ اخذ بالنصوحه
من لايقيس وعنده العمق معلوم = محدٍ درى به يوم يغرق بروحه
لو كان من حبيت في الحب ملزوم= اخبرك عاجل عن دوافع نزوحه
في هالزمن خلك حذر وانتبه دوم = ماكل من حبك صدوقٍ ببوحه

ياسلام صح السانك وسلمت يمينك مشرفنا واستاذنا الفاضل قصيده رائعه وجزله اسجل اعجابي وتقديري لشخصك الكريم تقبل ودي استاذي