[سناعيس]

هذه المتواضعه نزف مشاعر قلتها منذ فتره وبالتأكيد لها
مناسبه خاصه أرجو أن تنال على القدر اليسير من استحسانكم

هيه ياللي ماهقيتك سامعه=اسألي وش قلت بعدك ياغرام
شمعتي بالدار كانت والعه=وانطفى نور يلاحقه الظلام
كل وقتي حزن وعيني دامعه=ما لقيت اللي أبادله الكلام
بعد ماتذبل ورود(ن) يانعه=الغصن والشوك يبقى والحطام
راحت أيام مضت لي رائعه=وباقي الأيام صارت شبه عام
روحي اللي للمشاعر جامعه=ماسلت لحظه ولا عيني تنام
حبك اللي وسط قلبي رافعه=مانزل ون مات قلبي مايلام
ذكرياتك كالجواهر لامعه=صعب أنساها وصارت لي وسام

وســلامــتــكـــم
سناعيس