[بارقةأمل]

المشاركة الأصلية كتبت بواسطة الطائر المهاجر

اجل صعبه تحسب ان عندك باقي حتات ، تبي تشفطه ...
انتبهي .... تراها ما تترك موقع إلا وتصيد فيه زباين ...
ما يهرول الذيب عبث
فكرة العقار القديم جيدة ، بشرط يكون في موقع مطلوب يإيجار عالي
ولكن إذا مالكم خبرة في الترميم ، لابد تشوفون واحد عنده خبره
حتى لو تعطونه نظير أتعابه ، فأحد يرمم بمليون واحد يرمم بخمسمائة
وبنفس المستوى ..
الطريقة الثانية عميرات صغيره و بيوت شعبيه تشترونها رخصيه
في الأحياء القديمة والأجانب يحبونها ، ويسددون ، والإ السعودي
اللي يدور هالحارات ما يسدد .
الطريقة الأنجح ، الدكان وليد مصلح ، على ماقال راعي وشيقر
ارض على شارع تجاري لو درجة ثالثة ، وعليها دكاكين ..

الله الله هذا أبوي قاعد يتكلم معي أكيد ههههههههههههههههه

وهذي هقوتك في صعوبة ههههههههههههه لا أنا بس أعرض الفكرة فقط ولا الفلوس
لاتوصي حريص ههههههههه أحاسب على الريال قبل أصرف إلا إذا كان في صدقة لمحتاج حقيقي
ومكان جيد وسط البلد هذا من ضمن الخطة بس هو يقول أوكي وإحنا نبتدي فيها
ومن ناحية الترميم لي خبرة أنا في الديكورات وتصاميمها على الأقل اللي يوافق مزاجي والتمديدات وأنواع الخامات اللي تستعمل غالبا وأعرف الأماكن اللي تبيع رخيص واللي تبيع غالي ذيبة وأكلهم قبل يأكلوني وبحساباتي الترميم مع الأثاث وخاصة المطبخ اللي يآكل من الفلوس إلى يوم الدين نط في مخي فكرة وكل اللي شافوها تحسفوا إنهم ما شافوها قبل يأثثون
لأنه فيه ناس مطابخهم كلفتهم فوق80 ألف وفي الأخير الخدامة تلعب فيه المهم حسبت كل شي
ماراح يكلف أكثر من 300ألف
حاسبتها والله حتى سراير عيالي حسبت تكاليفها وسألت وطقست عن كل شي
طبعا بتقول مستحيل وانا أقولك مافيش مستحيل عندي وأول سبب إني أحب البساطة
الديكورات المتكلفة هذي ما تخشش مزاجي