[الطائر المهاجر]

فكرت ابفتح مدرسه سلم وارهاب = واكتب عليها المدرسة العالميّه
بمْدرسٍ واحد وابدفع بلا حساب = لو هو طلب مليون فوقه هديّه
وخصصت في كل الصحف عدة ابواب = لاعلان شامل دون شرط الهويّه
وجتني رسايل من شباب وشيّاب = حتى الحريم بعجزهن والبنيّه
كلٍ بإسمه مع خواله والانساب = الا الحريّم تحت اسامي خفيّه
وادرس بدقه كل مكتوب وخطاب = وافرز ابي خبره طويله وقويّه
وفي الاخره من بعد ارهاق واتعاب= تصفى على افضل عشرة بالسويّه
وحتى افاضل بينهم قلت ما خاب= سؤال واحد ما يبي له رويّه
افضل طريقة جابت السلم بارهاب = قمتَ بها من دون تشعر خطيّه؟
قارنت في دقّه وكسّرت الحساب = وفازت رسالة حرمةٍ يعربيّه
تقول انا زوجي شويعر ونصاب = وله معجباتٍ من جميع البريّه
ومن خوفي لاياخذ عليه ابمشعاب= فتحت راسه قبل يعرس عليّه