[كريمة محمد]

ولا مت ما حسّيت ويش اعتراهـا
آبصرف اللي في يدي وان بقى شيّ
ياخذه من لاتعـب يركـض وراهـا
عمري قصير ودنيتي كنهـا الفـي
يا سرع مارحل واندفن في ثراهـا
من ظنها تبقى ترى بالفكـر عـيّ
ما دامـت لغيـره بعالـي سراهـا
الملـك لله خالـق الليـل والضـي
اللـي رفـع سبـعٍ وعـلاّ ذراهـا
وغيره ضعيف لو نسى يومه صبي
واغتر فالدنيـا فـلا هـو قراهـا
ياسرع ما ينهـار بحبالـه الطـيّ
يضعف وحالـه كـل سقـمٍ براهـا
ولا ينفعـه طـبٍ ولا ينفعـه كـيّ
رحله قصيره ابتدت مـا احتراهـا
فالعاقل اللي ما تمـادى بـه الغـي
وحسّب حساب الآخـره واشتراهـا

راااائعة راااائعة رااائعة وربى المعبود
قصيدتك هذه تضم معانى ما لها مثيل من التميز
تسلم لنا اناملك يالغالى
ودمت ولا هنت
اختك وتلميذتك
كريمة