[ابومياس]

مذكرات طفل

الحلقة الثانية عشر


مساء الجميع سعيد إن شاء الله

يحكي لنا صاحبنا : يقول لي تذكر خالتي اللي قلت

لك انها اعطتني الاكل وانا نائم 0 هذي الله يحييك

راح اخوي الكبير لهم بالبر وكان لديها مسجل كاسيت

فارسلته مع اخوي وقالت له هذا اعطه اخوك امانه معك

المهم رجع اخوي وجاب لي المسجل وقال هذا من خالتك

ماتصدق كم انا سعيد بهذه الهدية القيمة نادر جدا مايهدي احد هذه

الهدية لانه قليل اللي يشتري مسجل ويهديه المهم كانت مرسله

مع المسجل اشرطة طبعا الفنانين هم خلف بن هذال العتيبي وحجاب بن

نحيت بطي البذالي الظاهر ان كل الاشرطة اللي عندها

ارسلتها لي 0 وانا ماغير معلق المسجل برقبتي ومشغله

واحيانا اخذ كم علقة من الاهل نضير الازعاج المتكرر

وبالاخر مليت من المسجل 0 وفي جيران لنا تبعد مزرعتهم

عن مزرعتنا تقريبا 3 كم كان عندهم مناسبة لضيوف جايين لهم

ولقيت لعبة عند ولدهم اللي تقريبا بسني عبارة عن سيارة اسعاف لونها

اصفر على بطارية قال لي تشتغل وتفحط بس مافيها بطارية

قلت وش رايك اعطيك المسجل وتعطيني السيارة

طبعا المسجل جايبه معي ماصدق قال تم والله واعطيه المسجل

ومعه كان كاسيت خلف العتيبي ( واغنية ياحبيبي ترى القلب بعدك جرح

وانجرح جرح ماشفت مثله خطير ) اخذت السيارة والبطارية في البيت

لان عندي احتياط للمسجل كنت اعد الثواني ابي متى نرجع للبيت ونخلص

من الغداء على شان استمتع بالسيارة وهي تفحط

لانه كانت اول لعبة سيارة امسكها بحياتي 0

رجعنا للبيت وعلى طول ركبت البطاريات بالسيارة لكن خسارة ما

اشتغلت لان في موصل مكسور بقاعدة البطياريات ضاق صدري

يعني ضحك علي الحيوان واخذ المسجل وغشني شاف اخوي

البيعة المهببه وطبعا زفني بكم كلمة قاسية من التوبيخ

المهم اخذ السيارة وحاول يصلحها وعرف العله وينها

جاب غطى علبة صلصه الحاجة ام الاختراع وطعجها المهم صلحها وكم انا سعيد وانا اسمع

صوت الاسعاف 0 فكانت سعادة لاتوصف لدرجة اني انام والسيارة معي

تحت البطانية0 كلها ايام والسيارة منتهية بس كنت مليت منها 0


( يتبع )