[بارقةأمل]

المشاركة الأصلية كتبت بواسطة الطائر المهاجر

يعتمد على الحاره اللي انتم فيها ، بعض الحارات بالفعل ينخاف على الطفل في هذا السن ، فكثيرا ما نسمع ونقرا
عن اختطاف اطفال ، او على الأقل مخادعتهم ، لتسييرهم في طريق ، ما يدري عنه الأهل إلا فيما بعد ...
من المفروض ان يكون بصحبة والده او خاله او احد من اهله ، فياخذه في البدايه ، ويبدأ في توجيهه بنوعية البشر
اللي في الحارة واساليب خداعهم ، ثم في المرات القادمة يتركه يذهب لوحده ، ولكنه يراقبه وهو يدري من بعيد
لبعيد ، وفي المرات اللاحقه ، يراقبه من دون ما يدري ، ليتدخل في اللحظة المناسبة للتوجيه . يعني يمكن الأم الترتيب مع أي من هؤلاء الأقارب ليراقب الطفل وقت ذهابه خارج المنزل ، ليراقبه من دون ان يشعر به ، ليعرف ان كان هناك ما يشكل خطرا عليه ، وفي نفس الوقت يعرف قدرات الطفل في التعامل مع مختلف الظروف ، ليتدخل في الوقت المناسب ، وكأنه مار عابر ولم يكن قاصد

هذا صحيح مشرفنا الغالي وذكرتني بأبوي الله يعطيه الصحة والعافية والله فعلا أحسه حريص علينا كلنا من بنات وعيال كان كل يوم يتصل وقت خروجنا من المدارس ويسأل فلان وصل وفلانة وصلت وكنت وأنا صغيرة أقول وش عنده كل شوي يسأل كنت أحسبها تحكمات وما دريت إنها حرص لكن أبوي مشدد علينا أخواني يخلصون الثانوية ومايطلعون من الباب إلا بمعرفة الوالد بوقت الخروج والرجعة وإذا تأخروا تعال سين وجيم
وكان إذا طلبنا فلوس لازم يعرف وش نبي نسوي بكل ريال بيعطينا إياها صراحة كنت أكره أسلوب أبوي
وأنا صغيرة لكن لما كبرت إكتشفت إنه صح خاصة إنه يوفر كل شيء بالبيت يعني مانحتاج فلوس إلا مصروف إضافي في المدرسة لأنه يوفر لنا المشروبات والحلويات والكيك وكل شيء يخطر ببالك عشان ما يعطينا فلوس زيادة وتخربنا خاصة الأولاد أنا من بدتهم ممكن يعطيني خمسين ريال في الأسبوع لأنه متأكد مني إني حريصة
لكن الأولاد مقتر عليهم بالفكة ((فلوس )) أي شيء يطلبونه يقول لهم تعالوا أروح أنا وياكم ونجيب
والحمدلله كلهم طلعوا رجال وينشد فيهم الظهر وهم ستة شباب
تخرجو من الجامعات وحصلوا على وظائف ممتازة
وإحنا طلعنا من أحسن البنات ولله الحمد والكل يشكر فينا

وأنا أخذت من أبوي أسلوبه في الحياة عشان كذا في كل المنتديات يعتقدون إني رجل من طريقة ردودي
والحريم اللي يشوفوني دايم ييسألوني أنتي مديرة مدرسة ؟؟؟!!!ههههههههههه

ليه شكلي جاد لهذه الدرجة

وأتمنى أولادي يطلعون زي أخواني