مقاطع قصيدة من الارشيف
درة الـبـــحـــر
يادرة البحر ماغبتي عن الطاري=بالخافق اللي عجبك اليوم تعذيبه
والله مابعتك وانا لك يالغضي شاري = في عمري اللي يعدك من مطاليبه
محتاج شوفة شعاعٍ يبهر الساري= وجهٍ مليحٍ بروق الوسم توضيبه
في الزين آية جمالٍ وهبة الباري= من زود ماهو اسرني قمت اماريبه
ان كنت محتاج تعرف اخر اخباري= انا حياتي بكفك وانت تومي به
وان مت منك فلا احدٍ ياخذ بثاري = انا مسامح .. وابيك تشوفها طيبه
تحياتي للجميع