يوم حبيتك قبل عامين ما هو باختياري = حاير لالحين في قصة غرام وفي حكايه
كل يوم احشد عليك العاطفه واشب ناري = وكل يوم اعد لك عرش التملك والولايه
والسحاب اللي جرى سيله في اطراف الصحاري = كان من عيني وانا مغبون ما فيه الكفايه
كان من حزني عليك وكثر شوقي واصطباري = وكان من خوف (ن)شهور وهو مخبا في خفايه
علميني باخر المشوار يا اللوجه الحضاري = ماهو بمعقول من عامين واحنا في البدايه
قبل حبك كنت اسطر في الميادين انتصاري = وقبل حبك كنت احدد موعد لاية نهايه
لابغيتي الصدق زاد الحب عن حد اقتدا ري = والهوى ما احتاج فيه لحجة ولا وصايه