[فايز بن جبيل]

[QUOTE=فلاح بن منشار]

اخواني الكرام
اليكم جديدي امل ان يرقى للقليل من ذائقتكم

يالله يامحيي العظام الهشيمه= ياخالق الانسان من لازب الطين
نفخت فيه الروح وسط المشيمه=مضغه خلق منها ملوك وسلاطين
ومنها خرج قانع وطامع رشيمه=والعلقمي منها خلق واهل حطين
ومنها الوفي لو صار شايب عشيمه=اهل المواقف بالجمالات ساطين
ومنها البخيل الي وصوفه دشيمه=ماينفع اهله لو بغوا منه قرطين
ومنها أشجّرة زقوم واخرى بشيمه=وبعضها حنضل وشي مثل يقطين
اليوم قل الطيب واهل الحشيمه= ماباقي الا خلق مثل القياطين
اهل الردى واهل النفوس الكشيمه=الي لدرب الزيف دايم مواطين
والحقّ هذا الوقت مافيه شيمه = ذل الكرام وعز به ناس واطين
عقب التراحم حل فيه الوشيمه = وصاروا اهل الصدق بالعين مخطين
يارب جنبنا العقول الغشيمه= والطف بنا من وسوسات الشياطين

وهذه معاني لبعض الكلمات

رشيمه:من يتشمم الطعام ويحرص عليه
عشيمه:الشايب المنحني الظهر
دشيمه:الذي لاخير فيه
بشيمه:نسبه الى شجرة البشام ذات الرائحه الطيبه
كشيمه:ناقص الخلق والحسب
وشيمه: العداوه

اليوم قل الطيب واهل الحشيمه .......... ماباقي الا خلق مثل القياطـــــــيـــــن ....
اهل الردى واهل النفوس الكشيمه ................ الي لدرب الزيف دايم مواطــــــين ...
مشرفنا وشاعرنا الفاظل فلاح بن منشار ..صح اللسانك يالجزل قصيده وافيه لا تحتاج الى شهادتنا
ومع قلة اهل الطيب في يومنا هذا ولكن طيبهم يغطي علا كثرت رداء الرديين ..وانت من ها ولاء الطيبين ..
طيب الله فالك وبيض الله وجهك على هذه القصيده .. تقبل مروري وتعليقي وتحياتي ..فايز